බොදූ බල සේනාව යනු නෝර්වේ බළල් අතක් බව එහි ප්රධානියෙකු වන ඩිලන්ත විතානයේ විසින්ම පිළිගෙන තිබේ. ඔහුගේ මුවින් එය එළියට පනින්නේ ඒෂියන් ට්රිබියුන් වෙබ් අඩවිය සමග කරන ලද සම්මුඛ සාකච්ඡාවකදීය. ඒ අනුව බොදූ බල සේනා පිහිටුවීමට පෙර ගලගොඩ අත්තේ ඥානසාර ඇතුළු අන්තවාදී චීවරධාරීන් සමග ඩිලන්ත නොර්වේහි සංචාරයක යෙදී තිබේ. සම්මුඛ සාකච්ඡාවේ තොරතුරු ගෙන ඒමට පෙර ඩිලන්ත නොකී සත්යයෙන් බිඳක් මෙසේය.
බොදූ බල සේනාවට නෝර්වේ රටින් මුදල් ලැබුනේ නෝර්ජෙස් ගොටෙම්ප්ලාර් අන්ඩෝම්ස් ෆෝබන්ඩ් නම් නෝර්වීජියානු රාජ්ය නොවන සංවිධානය මගිනි. එම සංවිධානයේ ඉංග්රීසි නාමය නම් නෝර්වේ ගෝඩ් ටෙම්ප්ලර් යූත් ඇසෝසියේෂන් යන්නයි. මෙහි අරමුණු ලෙස කියන්නේ ආගම් වලින් ඈත් වන තරුණයින් සුමගට යොමු කිරීමයි. මෙම සංවිධානය එක්දාස් අටසිය ගණන් වලදී ඇමරිකාවේ ආරම්භ වූ සංවිධානයක් වන අතර පසුව ඇමරිකාවේ කණ්ඩායම සහ නෝර්වේ කණ්ඩායම ලෙස දෙකට කැඩී තිබේ. නෝර්වේ කණ්ඩායම 1967 වැනි ඈත කාලයේදීම ලංකාවට ආධාර කිරීමට යැයි පැමිණේ. පැමිණ උතුරේ බෝට්ටු හැදු මේ රාජ්ය නොවන සංවිධානයක් ලෙස සී-නොර් ව්යාපෘතිය ඇරඹුවේය. විශාල ධීවර පිරිසක් දකුණේ ද සිටියදී උතුරේ ඇරඹුවේ මන්දැයි ගැටළුවකි. කෙසේ වෙතත් ඊට වසර කිහිපයකට පසු උතුරේ තරුණයන් වෙනම රාජ්යයක් සඳහා සන්නද්ධ අරගලයක් ඇරඹුවේ ය. පසු කලෙක ශ්රී ලංකාවේ ආණ්ඩු මෙම සී-නොර් ව්යාපෘතිය රජයට පවරා ගන්නා ලදී.
1967 දී සී-නෝර් ඇරඹීමට ආර්නි ෆියර්ටෝෆ් නම් නොර්වීජියානු පුද්ගලයෙක් ලංකාවට පැමිණෙන අතර අද දක්වාම ඔහු ශ්රී ලංකාවේ හොල්මන් කරයි. පසුකලෙක ආර්නි ෆියර්ටොෆ් ඉහත කී නෝර්ජෙස් ගොටෙම්ප්ලාර් අන්ඩෝම්ස් ෆෝබන්ඩ් සංවිධානයේ මුදල් වලින් දැනට පවතින යන්ග් ඒෂියා ටෙලිවිෂන් නම් රාජ්ය නොවන සංවිධානය ආරම්භ කරන අතර ඩිලන්ත විතානගේද ඊට සම්බන්ධ වේ. පසුකලෙක එහි ඇති වූ ගැටුමක් හේතුවෙන් ආර්නි ෆියර්ටොෆ් ඉන් විසිවී යන අතර වෙනත් කණ්ඩායමක් එහි බලය ලබාගනී. ආර්නි ෆියර්ටොෆ් විසිවෙද්දී ඩිලන්ත විතානගේ ද ඔහු සමග ඉවත් වේ. මේ අනුව ආර්නි ෆියර්ටොෆ් නම් නෝර්වේ මුදල් ලබා දෙන්නා ඩිලන්තගේ විශ්වාසදායී මිතුරෙක් බවට පත් වේ. රුසියාවේ පැරණි අයිටී අධ්යාපනය ලැබූවෙක් වන ඩිලන්ත විතානගේ කොහෙන් හෝ මුදල් කඩාගෙන ව්යාපෘති ආරම්භ කර මුදල් හම්බ කරගන්නා පුද්ගලයෙක් වන අතර පළමුවෙන්ම ඔහු අන්දවා ඇත්තේ එජාප ආණ්ඩු කාලේ තරුණ සේවා සභාවයි. පරිඝනක දැනුම තරුණයන්ට ලබා දීමේ ව්යාපෘතියක් අරඹා පසුව සල්ලි අහවර වන විට අතහැර දමා තිබේ.
කෙසේ වෙතත් යන්ග් ඒෂියා ටෙලිවිෂන් ව්යාපෘතියෙන් ආර්නි ෆියර්ටොෆ් සමග විසිවීමෙන් පසු කල් යල් බලා බොදූ බල සේනා ඇරඹීමට නොර්වේ රටින් මුදල් ලබාගෙන ඇත. සල්ලි දෙනවා නම් ඕනෑම දෙයක් කරන මොවුහු නොර්වේ මුදල්ද පසුව රජයේ ප්රබල නායකයෙක්ගෙන්ද මුදල් ලබාගෙන ඇති බව පැවසේ. නෝර්වේහිදී ස්වීඩනයේදී සහ ප්රංශයේදී එල්ටීටීඊ සාමාජිකයන් හමුවී සාකච්ඡා කර තිබේ. ලංකාවේදී බොදූ බල කාරයෝ කොටි කොටි කියමින් පට්ටා ගැසුවද යුරෝපයේදී ඔවුන් පූස් පැටව් වී තිබේ. නොර්වේ ගමනේදී පන්සලකටවත් නොගොස් එල්ටීටීඊ නායකයන් හමුවූ බව ඩිලන්ත විතානගේ විසින්ම ඒෂියන් ට්රිබියුන් සාකච්ඡාවේදී පිලිගන්නේය. එම සාකච්ඡාවේ බළලා මල්ලෙන් එළියට පණින වැදගත් කරුණු මෙසේ පලකරමු.
ඒෂියන් ට්රිබියුන්: තව එක දෙයක් ආර්නි ෆියර්ටොෆ් මහතා ගැන ඔබගෙන් අහන්න ඕනි. කොළඹ නෝර්වේ තානාපති කාර්යාලය හරහා ඔබට අරමුදල් ලැබෙනවාද සහ නෝවීජියානු තානාපති මහත්මිය සහ ආර්නි ෆියර්ටොෆ් මහතා ඔබලාගේ තුම්මුල්ල හංදියේ පිහිටි බොදූබල සේනා කාර්යාලයට පැමිණෙන කාරණය සහ හිමි වරු 5 නමකගේ නෝර්වේ සංචාරය පිලිබඳව. මෙම කාරනා අසාත්සාලි මහතා මැක්ස් රූපවාහිනියේ පැවති වැඩසටහනකදී මතු කලද ඔබ ඊට නිසි පිලිතුරු ලබා දූන්නේ නෑ යන්න මගේ මතකයයි
ඩිලන්ත: මම මතු වු කාරනා වලට පිලිතුරු දූන්නා
ඒෂියන් ටි්රබියුන්: මොකක්ද ඔබ කිවුවේ. කවුද මේ නෝර්වේ වල සංචාරය කල හිමි වරු
ඩිලන්ත: මට එය කියන්න පුලුවන්. එය සිදූ වුනේ 2010 මට මතක හැටියට
ඒෂියන් ට්රිබියුන්: නෑ නෑ එය 2011 ඔක්තෝම්බර් මස සිදූ වුනේ.
ඩිලන්ත: මට මගේ පාස්පෝට් එක බලන්න ඕනි" මට මතක් නෑ . 2011 ඔක්තෝම්බර් වෙන්න ඇති නමුත් 2012 නෙවෙයි. මට ස්ථිරවම මතකයි නෝර්වේ සංචාරයෙන් පස්සේ 2012 මැයි 07 තමයි අපි බොදූ බල සේනා සංවිධානය ආරම්භ කෙළේ.
ඒෂියන් ට්රිබියුන්: ඔබත් එම නියෝජිත කණ්ඩායමේ සාමාජිකයකු ලෙස නොර්වේ බලා ගියා නේද?
ඩිලන්ත: ඔව් මට පුළුවන් නෝර්වේ ගිය නියෝජිත පිරිසේ නම් ලබා දෙන්න. ඔවුන් නම්
1 ගලගොඩත්තේ ඥාණසාර
2 විතාරන්දෙනියේ නන්ද
3 අළුත්වැව ආනන්ද
4 දැපනේ සුමනවංස
5 වැලිමඩ ශාන්ත යන හිමිවරු සහ පූජිත විජේසිංහ මාර්ක් ඇන්ටනි පෙරේරා යන මහත්වරු. මේ අය එවකට බොදූ බල සේනා නොවෙයි ඔවුන් විවිධ සංවිධානවලට අයත් අය. බොදූ බල සේනා සංවිධානය එවකට පිහිටුවා නෑ.
ඒෂියන් ට්රිබියුන්: ඔබත් එක්ක මේ අට දෙනා තමයි නෝර්වේ සංචාරයට සහභාගී වුනේ. මොනවද ඔබලා නෝර්වේ වල කළේ?
ඩිලන්ත: අපි නෝර්වේ ගියේ ජාත්යන්තර සංවිධානයක අරාධනයෙන්. ඒක නෝර්වේ සංවිධානයක් මට නම මතක නෑ. (නෝර්ජෙස් ගොටෙම්ප්ලාර් අන්ඩෝම්ස් ෆෝබන්ඩ් නම් සංවිධානයේ නම මොහු සඟවයි) අපි එහිදී දෙමල මිතුරන් මුනගැසුණා. අපි ඔවුන් සමග සාකච්ජා කළා. මේ අය දෙමළ ඩයස්පෝරාවට සම්බන්ධයි කියල දැන සිටියෙ නෑ. අපි හමුවුනු සමහර දෙමළ අය එල්ටීටීඊ අධාරකරුවන් බව දැන ගත්තා. හිටපු නෝර්වේ ඇමති එරික් සෝල්හයිම් මහතා සමග හමුවක් පැවතුනා. සමාජ සේවා සංවිධාන කීපයක කටයුතු බලන්න ගියා. නෝර්වේ පාර්ලිමේන්තුව නැරඹුවා. දෙමළ මිතුරන් කීපදෙනෙකුගේ නිවාස වලට ගියා.
ඒෂියන් ට්රිබියුන්: ආර්නි ෆියර්ටොෆ් මහතා ඔබ සමග මේ සංචාරයට එක් වුනාද?
.jpg)
